موہالی// راؤنڈ گلاس ہاکی اکیڈمی (آر جی ایچ اے) اور سرجیت ہاکی اکیڈمی پی آئی ایس، جالندھر نے جونیئر عمر کے گروپ کے لئےافتتاحی پنجاب ہاکی لیگ میں اپنی ناقابل شکست مہم جاری رکھی تیسرے ہفتے کے میچوں کے بعد، آر جی ایچ اے اور سرجیت ہاکی اکیڈمی (ایس ایچ اے) تین میچوں میں بالترتیب نو اور سات پوائنٹس کے ساتھ پوائنٹس ٹیبل میں پہلے اور دوسرے نمبر پر ہیں۔ آر جی ایچ اے نے تمام تین میچوں میں یک طرفہ طور پر جیتے ہیں، جب کہ سرجیت اکیڈمی نے شوٹ آؤٹ کی وجہ سے دو جیت حاصل کی ہے، کیونکہ مقررہ وقت کے بعد میچ ٹائی پر ختم ہوا تھا۔
لدھیانہ کے اولمپیئن پرتھوی پال سنگھ ہاکی اسٹیڈیم، میں کھیلے گئے تیسرے ہفتے کے میچوں میں آر جی ایچ اے، سرجیت ہاکی اکیڈمی اور پی آئی ایس موہالی نے کامیابی حاصل کی۔ اتوار کو کھیلے گئے دونوں میچوں کا فیصلہ شوٹ آؤٹ سے ہوا۔ پہلے میچ میں نامدھاری اسپورٹس اکیڈمی اور سرجیت ہاکی اکیڈمی کا مقابلہ مقررہ وقت تک 4-4 گول سے برابر رہا۔ ایس ایس ایچ اے نے شوٹ آؤٹ 4-3 سے جیت کر ایک اضافی پوائنٹ حاصل کرنے کے لئے اپنا حوصلہ برقرار رکھا۔ اگلے میچ میں پی آئی ایس موہالی اور پی آئی ایس لدھیانہ نے 3-3 سے ڈرا کھیلا لیکن شوٹ آؤٹ میں موہالی کی ٹیم 3-1 سے جیت گئی۔
میچوں کا اگلا سیٹ 20 اور 21 جولائی کو اولمپیئن پرتھوی پال سنگھ ہاکی اسٹیڈیم لدھیانہ اور جیون نگر کے نامدھاری ہاکی اسٹیڈیم میں کھیلا جائے گا۔
