سری نگر/نئی دہلی/۲۱جون
وزیر اعظم نریندر مودی نے جمعہ کو یہاں 10ویں بین الاقوامی یوگا دن کے موقع پر منعقدہ اہم یوگا پروگرام کی قیادت کی اور یوگا مشق کے فوائد کا ذکر کیا اور لوگوں سے یوگا کو روزمرہ کی زندگی کا حصہ بنانے کی اپیل کی۔
یہاں شیر کشمیر انٹرنیشنل کانفرنس ہال میں منعقدہ پروگرام میں مرد و خواتین کی بڑی تعداد نے شرکت کی۔
مودی نے کہا کہ یوگا اس مصروف زندگی اور اطلاعات کی کثرت سے متاثر ذہن کو ارتکاز کی طاقت فراہم کرتا ہے ۔ اس سے صحت اچھی رہتی ہے ۔ انہوں نے کہا کہ آج یوگا سے متاثر سیاحت میں اضافہ ہو رہا ہے جو کاروبار اور روزگار میں بھی تعاون کر رہا ہے ۔
وزیر اعظم نے کہا کہ یوگا کے فوائد کو دیکھتے ہوئے آج فوج کے جوانوں سے لے کر خلابازوں تک ہر کسی کو یوگا کرایا جا رہا ہے ۔ جیلوں میں قیدیوں کو یوگا اور دھیان بھی کروایا جا رہا ہے ۔
مودی نے کہا کہ انہوں نے جموں و کشمیر کے لوگوں میں یوگا کی مشق کے تئیں زبردست جوش دیکھا ہے ۔ اس موقع پر انہوں نے ملک اور مرکز کے زیر انتظام علاقہ سمیت پوری دنیا کے یوگا سے محبت کرنے والوں کو یوگا ڈے کی مبارکباد دی۔
واضح رہے کہ ہندوستان کی پہل پر اقوام متحدہ نے 21 جون کو بین الاقوامی یوگا ڈے کے طور پر منانے کا اعلان کیا ہے ۔ اس موقع پر پوری دنیا میں یوگا مشق کی خصوصی تقریبات کا انعقاد کیا جا رہا ہے ۔
مودی دو دن کے لئے جموں و کشمیر کے دورے
پر ہیں۔
