پاکستان ٹیم کافی متوازن ہے، امید ہے اچھے نتائج آئیں گے، اسد شفیق

کراچی//
پاکستانی ٹیم کے سلیکٹر اسد شفیق نے کہا ہے کہ پاکستان ٹیم کافی متوازن ہے امید ہے اچھے نتائج آئیں۔
کراچی میں میڈیا سے گفتگو کرتے ہوئے اسد شفیق کا کہنا تھا کہ ہمارے پاس ایسے کھلاڑی موجود ہیں جو میچ کا نتیجہ تبدیل کرسکتے ہیں۔
انہوں نے کہا کہ شاداب نے ماضی میں اچھی پرفامنسز دی ہیں، ہر کھلاڑی پر ایسا وقت آتا ہے جب وہ پر فام نہیں کر پاتا۔
ایک سوال کے جواب میں اسد شفیق کا کہنا تھا کہ ابرار کو کیوں نہیں کھلا رہے؟ اس حوالے سے ٹیم مینجمنٹ کو معلوم ہوگا۔
ورلڈ کپ میں اپ سیٹ شکست پر بات کرتے ہوئے اسد شفیق کا کہنا تھا کہ ٹی ٹوئنٹی فارمیٹ میں اپ سیٹ کا چانس زیادہ ہوتا ہے۔
انہوں نے کہا کہ ہمارا ڈومسٹیک اسٹرکچر اچھا نہیں ہے، ہمارا مین فوکس ڈومیسٹک پر ہے۔ پی سی بی کا ویمن ٹورنامنٹ کروانا بہت اچھا اقدام ہے۔
اسد شفیق نے مزید کہا کہ پی سی بی کی کوشش ہے یونیورسٹی کے ساتھ تعاون کرے، زیادہ زیادہ میچز ہوں۔