جنوبی کشمیر کے ضلع پلوامہ کے نہمامہ میں انکاﺅنٹر شروع

سرینگر/۳جون
جنوبی کشمیر کے ضلع پلوامہ کے نہامہ علاقے میں پیر کی صبح سیکورٹی فورسز اور جنگجوﺅں کے درمیان تصادم چھڑ گیا۔
کشمیر زون پولیس نے پیر کی صبح ’ایکس‘پر ایک پوسٹ کے ذریعے جانکاری فراہم کرتے ہوئے کہا”پلوامہ کے نہامہ علاقے میں انکاﺅنٹر شروع ہوا ہے “۔انہوں نے کہا کہ پولیس اور سیکورٹی فورسز کام پر لگے ہوئے ہیں۔
قبل ازیں ذرائع نے بتایا کہ پلوامہ کے نہامہ علاقے میں تلاشی آپریشن کے دوران جوں ہی سیکورٹی فورسز کی ایک ٹیم مشتبہ مقام کے نزدیک پہنچی تو وہاں چھپے جنگجوﺅں نے ان پر فائرنگ شروع کر دی جس کے نتیجے میں طرفین کے درمیان تصادم چھڑ گیا۔
ذرائع نے بتایا کہ پلوامہ کے نیہامہ گاوں میں ملی ٹینٹوں کی موجودگی کی اطلاع موصول ہونے کے بعد سیکورٹی فورسز نے درمیانی شب گاوں کو محاصرے میں لے کر تلاشی آپریشن شروع کیا۔
انہوں نے بتایا کہ جوں ہی سلامتی عملے کے اہلکار مشتبہ مقام کے نزدیک پہنچے تو وہاں پر چھپے بیٹھے ملی ٹینٹوں نے فورسز پر اندھا دھند فائرنگ شروع کی چنانچہ پولیس اور نیم فوجی دستوں نے بھی پوزیشن سنبھال کر جوابی کارروائی کا آغاز کیا جس دوران کافی دیر تک دو بدو گولیوں کا تبادلہ جاری رہا۔
ذرائع کے مطابق سیکورٹی فورسز نے نیہامہ اور اس کے ملحقہ علاقوں کو محاصرے میں لے کر فرار ہونے کے سبھی راستوں پر پہرے بٹھا دئے ہیں۔
ذرائع نے مزید بتایا کہ گاوں میں تین دائر وں والی سیکورٹی کا بندوبست کیا گیا ہے تاکہ ملی ٹینٹوں کو فرار ہونے کا کوئی موقع فراہم نہ ہو سکے ۔