ہندوستانی باکسنگ فیڈریشن ورلڈ باکسنگ کا رکن بنا

نئی دہلی//ہندوستانی باکسنگ فیڈریشن جمعہ کو بین الاقوامی باکسنگ ایسوسی ایشن (آئی بی اے) سے ناطہ توڑ کر ورلڈ باکسنگ کی رکن بن گئی۔
آج یہاں اس موقع پر بات چیت کرتے ہوئے بی ایف آئی کے صدر اجے سنگھ نے کہا، "باکسنگ کی پائیداری کے لیے یہ انتہائی اہم ہے کہ یہ اپنی اولمپک حیثیت کو برقرار رکھے، اس لیے ہمیں ورلڈ باکسنگ میں شامل ہونے پر خوشی ہے اور اس کھیل کے مستقبل کو شکل دینے اور پوری دنیا کے باکسروں کے لئے ایک روشن مستقل فراہم کرنے کے لئے ایکزکیوٹیو بورڈ اور ہمارے ساتھی اراکین کے ساتھ مل کر کام کرنے کے منتظر ہیں۔
انہوں نے کہا کہ وہ اس کھیل کو ترقی دینے کے لیے ورلڈ باکسنگ ایگزیکٹو بورڈ کے ساتھ مل کر کام کریں گے تاکہ پوری دنیا کے باکسروں کو اچھا مستقبل مل سکے۔
ورلڈ باکسنگ کے صدر بورس وین ڈیر ووسرٹ نے کہا، "ہندوستان بین الاقوامی باکسنگ میں ایک بہت اہم ملک ہے اور ہم بی ایف آئی کو بڑھتے ہوئے ورلڈ باکسنگ خاندان میں خوش آمدید کہنے کے منتظر ہیں۔ "یہ ایک بہت ہی دلچسپ اقدام ہے جو ایشیا میں ہماری موجودگی کو نمایاں طور پر وسعت دے گا اور میں اپنے مشترکہ اہداف کے حصول کے لیے بی ایف آئی کے ساتھ مل کر کام کرنے کا منتظر ہوں۔”
قابل ذکر ہے کہ بین الاقوامی اولمپک کمیٹی نے مہینوں پہلے خبردار کیا تھا کہ اگر قومی فیڈریشن انٹرنیشنل باکسنگ ایسوسی ایشن (آئی بی اے) کے ساتھ منسلک رہی تو اس کھیل کو 2028 کے لاس اینجلس اولمپکس سے ہٹایا جا سکتا ہے۔