سوشل میڈیا پر فحش مواد پھیلانے کے الزام میں چار ملزم گرفتار: سائبر پولیس کشمیر

سرینگر/ 30 مئی
سائبر پولیس کشمیر نے سوشل میڈیا پر فحش مواد پھیلانے اور ہراساں کرنے کے دو الگ الگ مقدمات میں چار ملزموں کو گرفتار کیا ہے ۔
گرفتار شدگان کی شناخت شیخ مقدس رفیق ساکن گلاب باغ سری نگر، جنید حسین سونہ وار، افلاح میر ساکن باغ مہتاب اور نوید میر ساکن پامپور کے طور پر کی گئی ہے ۔
یہ جانکاری سائبر پولیس کشمیر نے جمعرات کو ’ایکس‘ پر پوسٹوں کے ذریعے فراہم کی۔
سائبر پولیس نے ایک پوسٹ میں کہا”سائبر پولیس کشمیر نے سوشل میڈیا پر فحش مواد پھیلانے اور ہراساں کرنے کے دو الگ الگ مقدموں میں چار ملزموں کو گرفتار کیا“۔انہوں نے کہا کہ ایک مقدمے میں شیخ مقدس رفیق ساکن گلاب باغ سری نگر کو گرفتار کیا گیا جبکہ دوسرے مقدمے میں جنید حسین سونہ وار، افلاح میر ساکن باغ مہتاب اور نوید میر ساکن پامپور کی گرفتاری عمل میں لائی گئی۔
سائبر پولیس نے اپنے پوسٹ میں لوگوں کے تحفظ اور وقار کو یقینی بنانے کے اپنے عزم کا اعادہ کرتے ہوئے کہا”ہم سائبر کرائم کا سخت مقابلہ کرتے رہیں گے ۔“