اوڑی میں گاڑی سے دس کلو ہیروئن ضبط، ایک شخص گرفتار

سرینگر/۲۰مئی
شمالی ضلع بارہ مولہ کے اوڑی علاقے میں سیکورٹی فورسز نے گاڑی کی تلاشی کے دوران۴ء۱۰کلو گرام وزنی ہیروئن برآمد کرکے ایک شخص کو حراست میں لے لیا۔
سرکاری ذرائع نے بتایا کہ مصدقہ اطلاع موصول ہونے کے بعد پولیس اور فوج کی مشترکہ ٹیم نے جمعے کے روز سری نگر مظفر آباد شاہراہ پر ناکہ لگایا جس دوران ایک گاڑی کو رکنے کا اشارہ کیا گیا۔
ذرائع نے بتایا کہ سیکورٹی فورسز نے تلاشی کے دوران گاڑی سے۴ء۱۰کلو گرام ممنوع نشیلی اشیائبرآمد کرکے ایک شخص کو حراوست میں لے لیا۔
گرفتار شخص کی شناخت محمد زاہد گیلانی ولد پیر حسن دین گیلانی ساکن بسگرا اوڑی کے بطور ہوئی ہے ۔ذرائع نے بتایا کہ گرفتار شخص محکمہ دیہی ترقی میں بطور وی ایل ڈبلیو تعینات ہے ۔
پولیس نے اس سلسلے میں کیس درج کرکے مزید تحقیقات شروع کی ۔