کراچی//
وکٹ کیپر بیٹر محمد رضوان اور جارح مزاج بلے باز عرفان خان نیازی کو نیوزی لینڈ کے خلاف بقیہ دو ٹی ٹوئنٹی میچز میں آرام دینے کا فیصلہ کیا گیا ہے۔
پی سی بی میڈیکل پینل کو محمد رضوان اور عرفان خان کی ریڈیولوجی رپورٹ موصول ہوگئی ہے جس کی بنیاد پر انہیں آرام دینے کا فیصلہ کیا گیا ہے۔
پاکستان ٹیم مینجمٹ کا کہنا ہے کہ دونوں پلیئرز جمعرات اور ہفتے کو نیوزی لینڈ کیخلاف میچ نہیں کھیلیں گے۔
پاکستان کرکٹ بورڈ (پی سی پی) کے مطابق دونوں کھلاڑی نیشنل کرکٹ اکیڈمی (این سی اے) میں میڈیکل پینل کی نگرانی میں ری ہیب پر کام کریں گے۔
