دفاعی برآمدات پہلی بار 21 ہزار کروڑ روپے سے تجاوز کر گئیں

نئی دہلی// ہندوستان کی دفاعی برآمدات پہلی بار 21 ہزار کروڑ روپے سے تجاوز کر گئی ہیں جو ایک ریکارڈ ہے ۔
وزیر دفاع راج ناتھ سنگھ نے پیر کو سوشل میڈیا پر ایک پوسٹ میں کہا "سب کو یہ بتاتے ہوئے خوشی ہو رہی ہے کہ ہندوستانی دفاعی برآمدات بے مثال بلندیوں پر پہنچ گئی ہیں اور آزاد ہندوستان کی تاریخ میں پہلی بار 21,000 کروڑ روپے کا ہندسہ عبور کر گئی ہیں۔” "مالی سال 2023-24 میں ہندوستان کی دفاعی برآمدات بڑھ کر 21,083 کروڑ روپے ہو گئی ہیں، جو پچھلے مالی سال کے مقابلے میں 32.5 فیصد کی متاثر کن اضافہ ہے ۔”
ایک اور پوسٹ میں مسٹر راج ناتھ سنگھ نے کہا "وزیر اعظم نریندر مودی کی دور اندیش قیادت میں وزارت دفاع نے ہندوستان کی دفاعی مینوفیکچرنگ اور برآمدات کو فروغ دینے کے لیے کئی اقدامات کیے ہیں۔ ہماری دفاعی صنعتوں بشمول نجی شعبے اور ڈی پی ایس یو نے حالیہ برسوں میں قابل ستائش کارکردگی ریکارڈ کی ہے ۔ دفاعی برآمدات میں ایک نیا سنگ میل عبور کرنے پر تمام اسٹیک ہولڈرز کو مبارکباد۔