پی اے جی ڈی کا وجود ابھی بھی قائم ہے :فاروق عبداللہ

سرینگر//
جموں وکشمیر نیشنل کانفرنس کے صدر فاروق عبداللہ نے منگل کے روز کہا کہ پی اے جی ڈی ختم نہیں ہوئی ہے ۔انہوں نے کہاکہ ہمارے دشمن اس اتحاد کو ختم کرنے میں سرگرم عمل ہیں۔
ان باتوں کا اظہارموصوف نے سری نگر میں نامہ نگاروں سے مختصر بات چیت کے دوران کیا۔
ڈاکٹر فاروق نے کہاکہ جہاں تک سیٹ شیئرنگ کا تعلق ہے تو اس حوالے سے کوئی تضاد نہیں ۔
ان کے مطابق الائنس کا مقصد صرف سیٹ شیئرنگ ہی نہیں بلکہ ہمیں انہیں ہرانا ہے جنہوں نے ہمارے تشخص کو ختم کیا۔
فاروق عبداللہ نے مزید بتایا کہ پی ڈی پی اور نیشنل کانفرنس انڈیا الائنس کے اتحادی ہیں ۔
پی اے جی ڈی کے بارے میں پوچھے گئے سوال کے جواب میں نیشنل کانفرنس کے سرپرست اعلیٰ نے کہا:‘پی اے جی ڈی ختم نہیں ہوئی اور عنقریب ہی اس کی میٹنگ منعقد ہو گی۔