وزیر اعظم مودی نے کرکٹر محمد شامی کی جلد صحت یابی کے لئے نیک خواہشات پیش کیں

نئی دہلی//وزیر اعظم نریندر مودی نے منگل کو پیر کا آپریشن کروانے والے کرکٹر محمد شامی کی جلد صحت یابی اور اچھی صحت کے لئے نیک خواہشات پیش کیں۔
شامی نے سوشل میڈیا پر ایک پوسٹ میں بتایا تھا کہ ان کی پیر کا آپریشن ہوا ہے۔ اپنے ایکس ہینڈل پر محمد شامی کی پوسٹ کا جواب دیتے ہوئے وزیر اعظم نے کہاکہ "محمد شامی، آپ کی جلد صحت یابی اور اچھی صحت کے لیے نیک خواہشات پیش کرتا ہوں۔ مجھے یقین ہے کہ آپ اس حوصلے کے ساتھ اس چوٹ پر قابو پائیں گے جو آپ کی شخصیت کا لازمی حصہ ہے۔‘‘
وزیر اعظم نے اپنی پوسٹ کے ساتھ محمد شامی کی اسپتال کی تصاویر شیئر کی ہیں۔