کھیلو انڈیا گیمز:مناسب ٹریفک پلان مرتب کیا گیا ہے :ایس ایس پی

سرینگر//
ایس ایس پی ٹریفک رورل کشمیر‘ رویندر پال سنگھ کا کہنا ہے کہ گلمرگ میں منعقد ہو رہے کھیلو انڈیا گیمز کے سرمائی کھیلوں کے چوتھے ایڈیشن کے پیش نظر مناسب ٹریفک پلان کو عملی جامہ پہنایا گیا ہے ۔
سنگھ نے بدھ کے روز گلمرگ میں نامہ نگاروں کے ساتھ بات کرنے کے دوران کہا’’کھیلو انڈیا بہت بڑا ایونٹ ہے ہم نے اچھی تعداد میں نفری کو تعینات کیا ہے ‘‘۔
ایس ایس پی ٹریفک کا کہنا تھا’’سر نگر ہوائی اڈے سے گلمرگ تک روڈ کو زونوں اور سیکٹروں میں منقسم کیا گیا جہاں افسروں کو تعینات کیا گیا ہے ‘‘۔
سنگھ نے کہا کہ ہم سول انتظامیہ کے ساتھ بھرپور تعاون کر رہے ہیں تاکہ ان گیمز کے احسن انعقاد کو یقینی بنایا جا سکے ۔انہوں نے لوگوں سے اپیل کی کہ وہ محکمے کی طرف سے جاری کی جانے والی ایڈوائزری پر عمل کریں۔
ایس ایس پی ٹریفک نے کہا کہ جس گاڑی کے ٹائر زنجیروں سے نہ بندھے ہوں اس کو آگے جانے کی اجازت نہیں ہوگی۔
بتادیں کہ کھیلو انڈیا سرمائی کھیلوں کے چوتھے ایڈیشن کا افتتاح سیاحتی مقام گلمرگ میں آج ۲۱فروری سے ہو ا ۔ کھیلوں کا یہ ایونٹ۲۶فروری کو اختتام پذیر ہوگا۔
سرکاری ذرائع کے مطابق امسال اس ایونٹ میں ملک کی مختلف ریاستوں سے تعلق رکھنے والے قرب۴سو کھلاڑی حصہ لے رہے ہیں۔
کھیلو انڈیا سرمائی کھیلوں کا پہلا ایونٹ فروری اور مارچ سال۲۰۲۰میں لیہہ اور گلمرگ میں منعقد ہوا تھا۔