سیتا رمن نے غیر بی جے پی حکومت والی ریاستوں کے فنڈز منجمد کرنے کے الزامات کو مسترد کیا

نئی دہلی// وزیر خزانہ نرملا سیتا رمن نے پیر کو لوک سبھا میں غیر بھارتیہ جنتا پارٹی (بی جے پی) کی حکومت والی ریاستوں کو جانے والے فنڈز پر پابندی لگانے کے مرکزی حکومت کے الزامات کو مسترد کرتے ہوئے کہا کہ اس طرح کے الزامات سیاسی طور پر محرک ہیں۔
محترمہ سیتا رمن نے وقفہ سوالات کے دوران ایک ضمنی سوال کے جواب میں کہا کہ مرکزی حکومت مالیاتی کمیشن کی سفارشات کے مطابق کام کرتی ہے ۔ انہوں نے کہا کہ یہ ممکن نہیں ہے کہ کوئی وزیر خزانہ یہ کہہ کر مداخلت کرے کہ وہ ریاست کو پسند نہیں کرتا اس لیے اس کی ادائیگی روک دی جائے ۔ انہوں نے کہا کہ یہ سیاسی طور پر محرک خیالات ہیں اور مفاد پرست لوگ ایسا کہہ رہے ہیں۔
دراصل، کانگریس لیڈر ادھیر رنجن چودھری کے سوال کے جواب میں وزیر خزانہ نے کہا کہ مرکزی حکومت مالیاتی کمیشن کی سفارشات کے مطابق کام کرتی ہے ۔ اس میں کسی بھی ریاست کے فنڈز کو روکا نہیں جا سکتا۔