کپواڑہ اور حاجن میں آتشزدگی‘ دو رہائشی مکان خاکستر

سرینگر///
وادی کشمیر میں آگ کی الگ الگ وارداتوں میں دو رہائشی مکان خاکستر ہوئے ہیں۔
فائر اینڈ ایمرجنسی محکمہ کے ایک سینئر عہدیدار نے بتایا کہ جمعرات کو کپواڑہ میں ایک رہائشی مکان سے آگ نمودار ہوئی جس نے آناً فاناً مکان کو پوری طرح سے لپیٹ میں لے لیا۔
عہدیدار نے بتایا کہ فائر اینڈ ایمرجنسی اور مقامی لوگوں کی کوششوں کے نتیجے میں آگ کو مزید پھیلنے سے روک دیا گیا تاہم آتشزدگی کی اس واردات میں رہائشی مکان مکمل طورپر خاکستر ہوا ہے ۔
پرے محلہ حاجن بانڈی پورہ میں اس وقت سنسنی کا ماحول پھیل گیا جب آگ کی ایک واردات میں رہائشی مکان کو نقصان پہنچا۔
معلوم ہوا ہے کہ فائراینڈ ایمرجنسی عملے نے جائے موقع پر پہنچ کر آگ کو مزید پھیلنے سے روک دیا۔
دریں اثنا پولیس نے آگ لگنے کی وجوہات جاننے کی خاطر کیس درج کرکے تحقیقات شروع کی ہے ۔