دن میں کھکھلاتی دھوپ‘ رات کے دوران شدید سردی

سرینگر//
وادی کشمیر میں چلہ کلان کے۲۱ویں روز بھی گرچہ موسم خشک ہے تاہم زمستانی ہوائوں کا زور جاری ہے اور سرینگر میں ایک بار پھر شبانہ درجہ حرارت منفی۰ء۵دگری سینٹی گریڈ کیا گیا۔
محکمہ موسمیات کے ایک ترجمان کے مطابق سرینگر میں کم سے کم درجہ حرارت منفی۰ء۵ڈگری سینٹی گریڈ ریکارڈ کیا گیا جہاں گذشتہ شب بھی یہی درجہ حرارت ریکارڈ ہوا تھا۔
سیاحتی مقام گلمرگ میں کم سے کم درجہ حرارت منفی۵ء۳ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۰ء۵ڈگری سینٹی گریڈ ریکارڈ ہوا تھا۔
ایک اور مقام پہلگام میں کم سے کم درجہ حرارت منفی۳ء۶ڈگری سینٹی گریڈ ریکارد کیا گیا جہاں گذشتہ شب بھی یہی درجہ حرارت ریکارڈ ہوا تھا۔
شمالی ضلع کپوارہ میں کم سے کم درجہ حرارت منفی۳ء۵ڈگری سینٹی گریڈ ریکارد کیا گیا جہاں گذشتہ شب کا درجہ حرارت منفی۷ء۴ڈگری سینٹی گریڈ ریکارڈ ہوا تھا۔
قصبہ قاضی گنڈ میں کم سے کم درجہ حرارت منفی۶ء۴ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۴ء۴ڈگری سینٹی گریڈ ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت منفی۲ء۱۱ڈگری سینٹی گریڈ، ضلع کرگل میں کم سے کم درجہ حرارت منفی۴ء۱۰ڈگری سینٹی گریڈ جبکہ قصبہ دارس میں کم سے کم درجہ حرارت منفی۵ء۱۳ڈگری سینٹی گریڈ ریکارڈ ہوا ہے ۔
محکمہ موسمیات کے مطابق وادی میں۲۰جنوری تک موسم کشک رہنے کا امکان ہے ۔انہوں نے کہا کہ اس دوران۱۲اور۱۷جنوری کو کمزور مغربی ہوائوں کے داخل ہونے کا امکان ہے ۔ان کا کہنا تھا کہ جموں خطے میں اگلے۳دنوں کے دوران گہری دھند اور سردی جاری رہ سکتی ہے ۔
ادھر وادی میں جاری خشک موسمی صورتحال سے جہاں اہلیاں وادی گونا گوں پریشانیوں اور خدشات سے دو چار ہیں وہیں یہاں موجود غیر مقامی سیاح بھی برف باری کا بے صبری سے انتظار کر رہے ہیں۔