وادی ٹھٹھرتی سردیوں اور گہری دھند کی لپیٹ میں

سرینگر//
وادی کشمیر میں جہاں ایک طرف ٹھٹھرتی سردیوں کا زور جاری ہے وہیں گہری دھند کا راج بھی قائم ہے جس سے اہلیان وادی کا جینا دو بھر ہو کے رہ گیا۔
سرینگر سمیت وادی کے کئی حصوں میں بدھ کی صبح بھی گہری دھند چھائی رہی۔
گہری دھند کی وجہ سے وزیبلٹی اس قدر کم تھی کہ ڈرائیور وںکو گاڑیاں چلانے کیلئے ہیڈ لائٹس چالو کرنا پڑیں جبکہ نماز فجر کیلئے مسجد جانے والے نمازیوں کو بھی روشنی کا استعمال کرنا پڑا۔
محکمہ موسمیات کے ایک ترجمان کے مطابق وادی کے بعض حصوں میں۳۱دسمبر تک صبح کے وقت گہری دھند چھائی رہنے کا امکان ہے ۔
دارلحکومت سرینگر میں کم سے کم درجہ حرارت منفی۶ء۲ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۰ء۳ڈگری سینٹی گریڈ ریکارڈ ہوا تھا۔
سیاحتی مقام گلمرگ میں کم سے کم درجہ حرارت منفی۸ء۲ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۸ء۲ڈگری سینٹی گریڈ ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت منفی۶ء۴ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۷ء۴ڈگری سینٹی گریڈ ریکارڈ ہوا تھا۔سرحدی ضلع کپوارہ میں کم سے کم درجہ حرارت منفی۲ء۴ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۵ء۳ڈگری سینٹی گریڈ ریکارڈ ہوا تھا۔
قصبہ قاضی گنڈ میں کم سے کم درجہ حرارت منفی۲ء۳ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۰ء۳ڈگری سینٹی گریڈ ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت منفی۴ء۹ڈگری سینٹی گریڈ ریکارڈ کیا گیا جبکہ ضلع کرگل میں کم سے کم درجہ حرارت منفی۶ء۸ڈگری سینٹی گریڈ ریکارڈ ہوا ہے ۔
محکمہ موسمیات کے مطابق وادی میں اگلے چوبیس گھنٹوں کے دوران موسم کشک رہنے کا امکان ہے ۔انہوں نے کہا کہ وادی میں۳۱دسمبر تک موسم خشک رہنے کا امکان ہے ۔ان کا کہنا تھا کہ بعد ازاں یکم جنوری اور ۲ جنوری کو موسم ابر آمود رہنے کا امکان ہے اور اس دوران کہیں کہیں ہلکی بارشیں متوقع ہیں۔
موسمیات محکمے کے مطابق وادی وسطی کشمیر اور بارہمولہ، گاندربل اور پلوامہ کے میدانی علاقوں میں۳۱دسمبر تک صبح کے وقت دھند چھائی رہنے کا امکان ہے ۔