گاندربل میںپاکستان چلے گئے پانچ مجرموں کی جائیدادوں کو ضبط کیا گیا :پولیس

سرینگر//
پولیس کا کہنا ہے کہ انہوں نے وسطی ضلع گاندربل میں منگل کے روز پانچ اشتہاری مجرموں کی جائیدادوں کو ضبط کیا جو پاکستان چلے گئے ہیں۔
پولیس کے ایک ترجمان نے بتایا کہ منگل کے روز ایڈیشنل موبائیل مجسٹریٹ گاندربل کے حکم کے تحت سی آر پی سی کے سیکشن۸۲؍اور گورنمنٹ آرڈر زیر نمبر۱۲/ڈی ایم/جی بی ایل کے تحت پولیس نے پانچ اشتہاری مجرموں کی غیر منقولہ جائیدادوں کو ضبط کیا ہے ۔
ترجمان نے کہاکہ مذکورہ پانچ اشتہاری مجرم ہتھیاروں کی تربیت حاصل کرنے کی خاطر پاکستانی زیر قبضہ کشمیر چلے گئے ار وہ ایف آئی زیر نمبر۲۰۰۹/۱۲۰زیر دفعہ۳/۲ ایکٹ اور۸۳سی آر پی سی کے تحت پولیس کومطلوب ہے ۔
ترجمان کے مطابق محمد یوسف عرف یوسف نسیم ولد محمد یعقوب سعید شاہ ساکن ژونٹ ولی وار کی ایک کنال۱۹ مرلہ اراضی کو ضبط کیا گیا۔
پولیس ترجمان کے مطابق ژونٹ ولی وار گاندربل میں ہی بشیر احمد ولد عبدالکریم وانی ساکن ژونٹ ولی وار وتہ لار کی ایک کنال۱۷مرلہ اراضی کو بھی سیل کیا گیا ہے ۔انہوں نے مزید بتایا کہ ژونٹ ولی وار میں ہی محمد رفیق ولد لال دین چچی ساکن ژونٹ ولی وار کی گیارہ مرلہ اراضی کو ضبط کیا گیا۔
گاندربل کے ژونت ولی وار میں مجرم محمد سخی ولد محمد یونس شاہ ساکن ژونٹ ولی وار کی دو کنال پندرہ مرلہ اراضی اور ہلال احمد ولد حبیب اللہ ساکن قصبہ لار کی۴/۱۲۱ مرلہ اراضی کو بھی سیل کیا گیا ہے ۔
ترجمان کے مطابق ابتک ایف آئی آرزیر نمبر۲۰۰۹/۱۲۰کے تحت پولیس نے وسطی ضلع گاندربل میں نو مجرموں کی۱ء۲۷کنال اراضی کو ضبط کیا ہے ۔