انسداد منشیات ٹاسک فورس کی کارروائی دہلی کے دو منشیات فروش گرفتار

جموں//
جموںکشمیر کی سرمائی راجدھانی جموں میں انسداد منشیات ٹاسک فورس نے دہلی سے تعلق رکھنے والے دو منشیات فروشوں کی گرفتاری عمل میں لا کر ان کے قبضے سے نشہ آور ادویات کی بوتلیں اورکپشول برآمد کرکے ضبط کئے۔
ایس ایس پی ’اے این ٹی ایف‘جموں راج کمار نے بتایا کہ انسداد منشیات ٹاسک فورس نے جموں میں دو منشیات فروشوں کو دھر دبوچ کر سلاخوں کے پیچھے دھکیل دیا۔انہوں نے بتایا کہ ملزمان کے قبضے سے بڑی مقدار میں نشہ آور ادویات کو برآمد کیا گیا ہے۔
کمار کے مطابق اس سلسلے میں کیس درج کرکے تحقیقات شروع کی گئی اورمزید گرفتاریوں کو خارج از امکان قرارنہیں دیا جاسکتا۔
بتادیں کہ جموں وکشمیر یونین ٹریٹری میں منشیات کا کاروبار کرنے والوں کے خلاف پولیس اور دیگر سیکورٹی ایجنسیوں نے بڑے پیمانے پر کریک ڈاون شروع کیا ہے۔
پولیس نے لوگوں پر زوردیاہے کہ وہ منشیات کا کاروبار کرنے والوں کے بارے میں نزدیکی پولیس تھانے کے ساتھ رابط قائم کرئے تاکہ منشیات کے کاروبار میں ملوث فراد کو کیفر کردار تک پہنچایا جاسکے۔