لداخ یونین ٹریٹری میں زلزلے کے جھٹکے ، کوئی نقصان نہیں

سرینگر//
لداخ یونین ٹریٹری میں ہفتے کی صبح زلزلے کے ہلکے جھٹکے محسوس کئے گئے تاہم کسی قسم کے نقصان کی کوئی اطلاع نہیں ہے ۔
ریکٹر اسکیل پر زلزلے کی شدت۴ء۳ ریکارڈ کی گئی جبکہ اس کی زیر زمین گہرائی۱۰کلو میٹر تھی۔
نیشنل سینٹر فار سیسمولوجی نے سماجی رابطہ گاہ’ایکس‘پر ایک پوسٹ کے ذریعے جانکاری فراہم کرتے ہوئے کہا’’لداخ میں ہفتے کی صبح۸بجکر۲۵منٹ پر زلزلے کے جھٹکے محسوس کئے گئے ‘‘۔
انہوں نے کہا کہ ریکٹر اسکیل پر اس زلزلے کی شدت۴ء۳ریکارڈ ہوئی ہے جبکہ اس جبکہ اس کی زیر زمین گہرائی۱۰کلو میٹر تھی۔تاہم زلزلے سے کسی قسم کے نقصان کی کوئی اطلاع نہیں ہے ۔
جموں وکشمیر زلزلیاتی پیمانے پر سب سے زیادہ خطرناک زون پانچ اور چار میں آتا ہے ۔
قابل ذکر ہے کہ سال رواں کے ماہ جون میں جموں وکشمیر اور لداخ یونین ٹریٹری زائد از ایک درجن زلزلوں کے جھٹکے محسوس کئے گئے ۔