امتیاز اسماعیل پرے ایس ایس بی کے ڈی آئی جی تعینات کئے گئے

سرینگر///
امتیاز اسماعیل پرے، جو۲۰۰۹ کے آئی پی ایس ’اگمٹ‘ کیڈر کے پولیس افسرہیں‘ کو بدھ کے روز وزارت داخلہ، حکومت ہند کی طرف سے ساشسٹرا سیما بل (ایس ایس بی) میں ڈیپوٹیشن کی بنیاد پر ڈپٹی انسپکٹر جنرل (ڈی آئی جی) کے طور پر مقرر کیا گیا ہے۔
پرے کی تقرری، اس سلسلے میں ایک حکم کے مطابق، موجودہ خالی اسامی پر کی جا رہی ہے۔
پرے کی تقرری، آرڈر کے مطابق، عہدے کا چارج سنبھالنے کی تاریخ سے پانچ سال کی مدت کے لیے یا اگلے احکامات تک، جو بھی پہلے ہو، ڈیپوٹیشن کی بنیاد پر ہوگی۔
اعلامیہ میں متعلقہ دفتر سے درخواست کی گئی ہے کہ وہ اس افسر کو فوری طور پر فارغ کر دیں تاکہ وہ مرکز میں نئی اسائنمنٹ میں شامل ہو سکیں۔