مسافر ٹیکس میں پچاس فیصد چھوٹ کی منظور ی ‘کمر شل ٹرانسپورٹ آپریٹروں کے کووِڈ نقصانات کی تلافی

جموں//
اِنتظامی کونسل نے مسافر ٹیکس میں پچاس فیصد چھوٹ کی منظور ی دی ہے۔
ایک سرکاری بیان کے مطابق انتظامی کونسل کی میٹنگ آج یہاں لیفٹیننٹ گورنر منوج سنہا کی صدارت میں منعقد ہوئی، جس میں یکم اپریل ۲۰۲۱ء سے۳۱؍ مارچ۲۰۲۲ء تک مختلف گاڑیوں پر عائد پچاس فیصد پسنجر ٹیکس کی چھوٹ کو منظور ی دی ۔
یہ فیصلہ کمرشل ٹرانسپورٹ کے آپریٹروں کی جائز مانگ کو پور کرے گا جنہیں کووِڈ۱۹ کی وجہ سے ملک گیر لاک ڈائون اور پابندیوں سے نقصان اُٹھانا پڑا ہے جس کی وجہ سے پبلک ٹرانسپورٹ کو غیر فعال کرنا پڑا ہے۔
کمرشل گاڑیوں کے مالکان کیلئے جنہوں نے پہلے ہی مذکورہ مدت کے لئے مساپسنجرٹیکس مکمل طور پر جمع کیا ہے ، ان کی طرف سے ادا کی گئی اِضافی رقم کو اگلے مالی برس یعنی یکم اپریل ۲۰۲۲ء سے۳۱؍ مارچ۲۰۲۳ء کی مدت کے لئے جمع شدہ یا قابل وصول ذمہ داری کے مقابلے ایڈ جسٹ کیا جائے گا۔
مزید یہ کمرشل گاڑیوں کے مالکان سے مالی برس۱۹۔۲۰۱۸ء سے۲۲۔۲۰۲۱ء تک کے بقایا پسنجر ٹیکس کی وصولی یکم اپریل ۲۰۲۲ء سے شروع ہونے والی سہ ماہی بنیادوں پر چار مساوی قسطوں میں لی جائے گی۔
اِنتظامی کونسل نے محکمہ ریونیو کی تجویز کو منظور ی دی گئی تاکہ زمین کے مختلف پارسلوں کو عوامی مقاصد کے لئے منتقل کیا جائے۔
اِنتظامی کونسل نے اوور ہیڈ ٹینک ( او ایچ ٹی ، ریپڈ سینڈ فلٹریشن پلانٹ ( آر ایس ایف پی ) ، پمپ کم آپریٹر کوارٹر ڈبلیو ایس ایس برزلہ کالونی کی تعمیر اور پی ایچ اِی ڈویژن آفس پلوامہ کے قیام کے لئے محکمہ جل شکتی کے حق میں ۶ کنال اراضی کی منتقلی کی منظور ی دی۔
اِنتظامی کونسل نے ضلع بانڈی پورہ کے گائو ں رکھ آشم ، سنبل ( ۲۰کنال) ، حاجن (۲۰کنال) اور بانڈی پورہ ( ۲۰کنال ) گائوں میں واقع ۸۰کنال اراضی کو مکانات و شہری ترقی محکمہ کو سالڈ ویسٹ کے اِنتظام اور ڈمپنگ سائٹس کے قیام کے لئے منتقل کرنے کی منظور دی۔ سالڈ ویسٹ کو صحیح اور سائنسی طریقے سے ٹھکانے لگانے سے صحت عامہ کو صاف ستھرا ماحول فراہم کیا جائے گا اور ماحولیاتی اِنحطاط اور آلودگی کو روکنے میں مدد ملے گی ۔ اِس کے علاوہ کوڑاکرکٹ سے پاک جموںوکشمیر کے نظریۂ کو عملی جامہ پہنایا جائے گا۔