جموں صوبے میں ۳؍ اور وادی میں بھی ۳ نئے کیس درج

جموں//
جموں کشمیر میں پچھلے چوبیس گھنٹوں کے دوران کورونا وائرس کے۶نئے مثبت معاملات سامنے آئے ہیںجن میں سے۳کا کشمیر اور۳کا تعلق جموں صوبے سے ہے۔
اِس طرح مثبت معاملات کی کل تعداد۴لاکھ۵۴ہزار۵۳تک پہنچ گئی ہے‘جن میں سے۶۱(صوبہ جموں میں۳۸؍اور کشمیر صوبے میں۲۳)سر گرم معاملات ہیں۔اَب تک۴لاکھ۴۹ہزار۲۴۱ ؍اَفراد صحتیاب ہوئے ہیں ۔
بیان کے مطابق پچھلے چوبیس گھنٹوںسرینگر میں۲؍اور ضلع کپواڑہ میں ایکنئے معاملات درج کئے گئے ۔بڈگام، اسلام آباد‘بارہمولہ،کولگام ،پلوامہ ،گاندربل، شوپیان اوربانڈی پورہ اضلاع سے مثبت معاملات کی کوئی رِپورٹ نہیں ہے۔
اِسی طرح ضلع جموںمیں۳نئے معاملات سامنے آئے ہیں ۔راجوری اودھمپور ، کٹھوعہ ،ڈوڈہ ، سانبہ ،کشتواڑ ، پونچھ ، رام بن اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔
اِسی دوران آج مزید۱۱؍اَفراد شفایاب ہوئے ہیںجن میں۷جموں اور۴ کا تعلق صوبہ کشمیر سے ہے۔