شمالی کمان سربراہ کا ٹنگڈار میں ایل او سی کا معائنہ

سرینگر//
فوج کے شمالی کمانڈر لیفٹیننٹ جنرل اوپیندر دویدی نے جمعہ کو کشمیر میں لائن آف کنٹرول (ایل او سی) کے ساتھ یونٹوں کا دورہ کیا اور آپریشنل تیاریوں کا جائزہ لیا۔
لیفٹیننٹ جنرل دویدی نے جموں کشمیر کے اننت ناگ میں راشٹریہ رائفلز (آرآر) کی فارمیشن کا بھی دورہ کیا تاکہ انسداد دراندازی گرڈ اور آپریشن کی تیاریوں کا جائزہ لیا جا سکے۔
حال ہی میں ۱۹راشٹریہ رائفلز کے کمانڈنگ آفیسر کرنل منپریت سنگھ، ان کے کمپنی کمانڈر میجر آشیش دھونچک، ڈپٹی سپرنٹنڈنٹ آف پولیس ہمایوں مزمل بھٹ اور ایک سپاہی ہلاک اور دو دیگر فوجی زخمی ہوئے تھے۔
عسکریت پسندی مخالف آپریشن کے دوران لشکر طیبہ کے کمانڈر عزیر خان سمیت دو عسکریت پسند بھی مارے گئے۔
فوج نے کہا کہ لیفٹیننٹ جنرل اپیندر دویدی نے آج آپریشنل تیاریوں کا جائزہ لینے کے لیے جموں کشمیر کے کپواڑہ ضلع میں ٹنگڈار میں کنٹرول لائن کے ساتھ فرنٹ لائن یونٹوں کا دورہ کیا۔انہیں انٹیلی جنس کے آٹومیشن اور انگیجمنٹ میٹرکس پر بھی بریفنگ دی گئی۔
آرمی کمانڈر نے فوجیوں کے ساتھ بات چیت کی اور انسداد شورش کے فعال آپریشنز میں آپریشنل تیاریوں کے اعلیٰ معیار کو برقرار رکھنے پر انہیں مبارکباد دی۔
آرمی کمانڈر نے فوجیوں کے ساتھ بات چیت کی اور فعال انسداد دہش گردی آپریشنز میں آپریشنل تیاری کے اعلیٰ معیار کو برقرار رکھنے پر انہیں مبارکباد دی۔