وزارت دفاع نے سرکاری ای-مارکیٹ پورٹل سے ریکارڈ 15 ہزار کروڑ کی خریداری کی

نئی دہلی//
وزارت دفاع نے مالی سال 2021 22 میں حکومت کے ای بازار پورٹل سے 15047.98 کروڑ روپے کی ریکارڈ خریداری کی ہے جو کہ پچھلے مالی سال سے ڈھائی سو فیصد زیادہ ہے ۔
گورنمنٹ مارکیٹ پورٹل اگست 2016 میں شروع کیا گیا تھا تاکہ پرانے ٹینڈر کے عمل کو تبدیل کیا جا سکے جس کا مقصد ڈیجیٹل میڈیم کے ذریعے خریداری کے عمل میں مزید شفافیت لانا ہے ۔
ہفتہ کو جاری کردہ ایک بیان میں وزارت دفاع نے کہا کہ اس نے بہت کم وقت میں اس عمل کو مکمل طور پر شامل کرتے ہوئے ڈیجیٹل خریداری کو فروغ دیا ہے اور مختلف چیلنجوں کے باوجود اس کے اچھے نتائج برآمد ہوئے ہیں۔
وزارت کا کہنا ہے کہ وہ ڈیجیٹل انڈیا کے حکومت کے وژن اور شفافیت کو فروغ دینے کے لیے پرعزم ہے اور اس سمت میں اپنا تعاون جاری رکھے گی۔