سرینگر//
سرینگر کے سونمرگ سڑک حادثہ میں زخمی لڑکی دم توڑ گئی۔
کرن نگر سری نگر کی رہنے والی ایک لڑکی جو جمعرات کو گاندربل ضلع کے سونمرگ علاقے میں سڑک حادثے میں زخمی ہوئی تھی، کل رات چل بسی۔
حادثہ سونمرگ کے مقام پر اس وقت پیش آیا جب ایک سوئفٹ ڈیزائر ایک دوسری سوفٹ کار سے ٹکرا گئی جس کے نتیجے میں دو افراد زخمی ہوگئے جن کی شناخت قدرت فاروق دختر شیخ فاروق ساکنہ کرنا نگر، عاقب نصیر ولد نصیر احمد میر ساکنہ عمر آباد سرینگر کے طور پر ہوئی ہے۔
دونوں کو علاج کے لیے قریبی اسپتال منتقل کیا گیا جہاں سے انہیں مزید علاج کے لیے سوبرٹ اسپتال منتقل کیا گیا۔ اس دوران پولیس نے نوٹس لیتے ہوئے تفتیش شروع کر دی ہے۔
اس دوران جموںکشمیر کے ضلع پونچھ کے مینڈھر علاقے میں ایک سڑک حادثے میں ڈمپر ڈرائیور کی موت واقع ہوگئی۔
ذرائع نے بتایا کہ پونچھ ضلع کے ناکہ مینڈھر گائوں میں ایک ڈمپرسڑک سے لڑھک کر گہری کھائی میں جا گرا۔
واقعہ پیش آنے کے فوراً بعد پولیس اور مقامی لوگوں نے بچائو آپریشن شروع کیا لیکن ڈمپر کے ڈرائیور کی بر سر موقع ہی موت واقع ہوئی تھی۔
متوفی کی شناخت۵۲سالہ یعقوب عظیم ولد محمد حسین ساکن بھٹہ دھرین کے بطور ہوئی۔
دریں اثنا پولیس نے اس ضمن میں ایک کیس درج کرکے تحقیقات شروع کی ہیں۔
