لڑکیوں کا تعاقب اور آن لائن ریب کی دھمکیاں‘نوجوان گرفتار

سرینگر//
پولیس نے سرینگر میں لڑکیوں کو ہراساں کرنے اور آن لائن جنسی زیادتی کی دھمکیاں دینے کے الزام میں ایک نوجوان کو گرفتار کیا ہے ۔
سرینگر پولیس نے ہفتے کو ٹویٹ کرکے کہا’’سید شمعون ہمدانی ولد محمد ایوب ہمدانی ساکن انور کالونی راول پورہ کو لڑکیوں کا تعاقب کرنے‘ حملہ کرنے ، ہراساں کرنے اور انہیں آن لائن عصمت دری کی دھمکیاں دینے پر گرفتار کیا گیا‘‘۔
ٹویٹ میں کہا گیا’’ایک دلیر لڑکی نے اس سلسلے میں ثبوت کے ساتھ پولیس اسٹیشن صدر کی طرف رجوع کیا‘‘۔
ٹویٹ میں مزید کہا گیا کہ اس ضمن میں پولیس اسٹیشن صدر میں متعلقہ دفعات کے تحت ایک کیس درج کیا گیا۔