سرینگر‘جموں قومی شاہراہ، مغل روڈ اور ایس ایس جی روڈ ٹریفک کیلئے بند

سرینگر//
بھاری بارشوں سے مٹی کے تودے گر آنے کی وجہ سے وادی کشمیر کو ملک کے باقی حصوں کے ساتھ جوڑنے والی سرینگر، جموں قومی شاہراہ، تاریخی مغل روڈ اور سرینگر، لیہہ شاہراہ پر ٹریفک کی نقل و حمل بند کر دی گئی ہے ۔
جموں وکشمیر ٹریفک پولیس نے ہفتے کو ٹویٹ کرکے کہا’’قومی شاہراہ، مغل روڑ اور ایس ایس جی روڈ کو۲مٹی کے تودے گرنے کی وجہ سے ٹریفک کیلئے بند کر دیا گیا ہے ‘‘۔
پولیس نے لوگوں سے روڈ صاف ہونے تک ان پر سفر کرنے سے احتراز کرنے کی اپیل کی ہے ۔
دریں اثنا قومی شاہراہ بند ہونے کی وجہ سے جموں کے بھگوتی نگر بیس کیمپ سے یاتریوں کی کشمیر روانگی کو بھی معطل کر دیا گیا ہے ۔
۔۔۔۔۔۔۔۔۔۔۔