سرینگر///
جموں و کشمیر کے جموں ضلع میں ہیروئن کی اسمگلنگ کے الزام میں گاندھی نگر پولیس نے ایک خاتون کو گرفتار کیا ہے۔
اطلاعات کے مطابق نارکو عسکریت پسندی کے الزام میں خاتون کا شوہر پہلے ہی جیل میں بند ہے۔ اب پولیس نے بیوی کو ایک کروڑ مالیت کی ہیروئن کے ساتھ گرفتار کیا ہے۔
دراصل ڈگیانہ پولیس چوکی کی پولیس ٹیم گشت کر رہی تھی۔ تبھی ہائی وے کے قریب ایک خاتون کو بریف کیس کے ساتھ مشکوک حالت میں دیکھا۔ بریف کیس کی تلاشی لینے پر ہیروئن برآمد ہوئی۔ ملزمہ خاتون معرفہ سرینگر کے کاٹھی درواز علاقے کی رہائشی ہے۔ اس کا شوہر محمد شفیع ہیروئن سمگل کرتے ہوئے پہلے ہی پکڑا گیا تھا۔اطلاعات کے مطابق خاتون سے ۱۸۸ گرام ہیروئن برآمد ہوئی ہے۔ جس کی بین الاقوامی مارکیٹ میں قیمت تقریباً ایک کروڑ روپے ہے۔
خاتون کے شوہر کے نارکو ٹیررازم میں ملوث ہونے یا نارکو ٹیررازم میں خاتون کے ملوث ہونے کو بھی رد نہیں کیا جا رہا ہے۔ تاہم پولیس نے خاتون کے خلاف مقدمہ درج کر لیا ہے۔
جانکاری کے مطابق منگل کو دیگانہ پولس چوکی کی ٹیم گشت کر رہی تھی۔ پھر شاہراہ کے قریب پیر بابا کے قریب ایک خاتون کو بریف کیس کے ساتھ مشکوک حالت میں گھومتے دیکھا گیا۔ پٹرولنگ ٹیم نے اسے روک کر پوچھ گچھ کی۔ وہ کوئی تسلی بخش جواب نہ دے سکی۔پولیس اہلکاروں نے اس کے بریف کیس کی تلاشی لی۔ تلاشی لینے پر درمیان سے ۱۸۸گرام ہیروئن برآمد ہوئی۔ اس کے بعد اسے پکڑ کر گاندھی نگر تھانے لے جایا گیا۔
خاتون سے پوچھ گچھ پر اس نے اپنا نام معروفہ بیگم بتایا۔ دوران تفتیش یہ بات بھی سامنے آئی کہ خاتون کا شوہر بھی منشیات فروش ہے۔ وہ سرینگر میں ہیروئن کی اسمگلنگ میں پکڑا گیا تھا اور اب وہ جیل میں ہے۔
ذرائع کا کہنا ہے کہ مذکورہ خاتون کا شوہر بھی ہیروئن سمگل کرتا تھا۔ خاتون سرینگر سے ہیروئن لائی تھی۔ وہ پہلے بھی کئی بار ہیروئن لے کر جموں آئی تھی اور جموں کے مختلف مقامات پر فروخت کرتی تھی۔ اس خاتون کے ساتھ جموں کے قاسم نگر، راجیو نگر، ستواری کے کچھ خواتین اسمگلروں کے ساتھ تعلق کا بھی امکان ہے۔ پولیس معاملے کی تفتیش کر رہی ہے۔
