راجوری:اراضی تنازعہ پر شہری کا قتل‘پانچ ملزمان گرفتار

جموں//
جموںکشمیر کے تھانہ منڈی راجوری میں اراضی تنازعے پر شہری کا قتل کیا گیا ۔
معلوم ہوا ہے کہ پولیس نے فوری کارروائی کرکے پانچ ملزمان کو دھر دبوچ کرسلاخوں کے پیچھے دھکیل دیا تاہم تین ابھی بھی گرفتاری سے بچنے کیلئے روپوش ہو گئے ہیں۔
پولیس ذرائع نے بتایا کہ ۱۸جون کو نگینہ اختر زوجہ شفیق احمد ساکن کھابلن تھانہ منڈی نے پولیس اسٹیشن میں تحریری طورپر شکایت درج کی کہ ان کے شوہرپر آٹھ افراد نے قاتلانہ حملہ کیا اور انہیں ہسپتال منتقل کیا گیا ہے ۔
ذرائع نے بتایا کہ پولیس نے معاملے کی نسبت ایف آئی آر زیر نمبر۸۲ کے تحت کیس درج کرکے تحقیقات شروع کی۔
پولیس نے بتایا کہ شفیق احمد گورنمنٹ میڈیکل کالج راجوری میں زخموں کی تاب نہ لا کر چل بسا جس کے بعد پولیس نے دفعہ ۳۰۲کے تحت مقدمہ درج کیا۔
پولیس نے مزیا کہا کہ ایس ڈی پی او تھانہ منڈی ڈاکٹر امتیاز احمد کی سربراہی میں ایک خصوصی ٹیم تشکیل دی گئی جنہوں نے چھاپہ ماری کے دوران پانچ ملزمان کو حراست میں لیا جبکہ مزید تین کی بھی تلاش جاری ہے ۔
پولیس کا کہنا ہے کہ ابتدائی طورپر معلوم ہوا ہے کہ اراضی تنازعہ پر ہی مقامی شہری کا قتل کیا گیا ۔