جنوبی کشمیر کے۳؍اضلاع میں ایس آئی اے کے چھاپے

سرینگر//
سٹیٹ انوسٹی گیشن ایجنسی کشمیر (ایس آئی اے ) نے بدھ کی صبح جنوبی کشمیر کے تین اضلاع میں چھاپے مارے ۔
یہ چھاپے بینک اے ٹی ایم گارڈ کی ہلاکت کے کیس کے سلسلے میں مارے جا رہے ہیں۔
سرکاری ذرائع نے بتایا کہ ایس آئی اے کی ایک ٹیم نے پولیس اور سی آر پی ایف کی مدد سے بدھ کی صبح جنوبی کشمیر کے پلوامہ، اننت ناگ اور شوپیاں اضلاع میں چھاپے مار کارروائیاں انجام دیں۔
ذرائع نے بتایا کہ یہ چھاپے سال رواں کے ماہ فروری میں بینک اے ٹی ایم گارڈ سنجے کمار شرما کے قتل کیس زیر ایف آئی آر نمبر۲۰۲۳/۱۴کی تحقیقات کے سلسلے میں مارے جا رہے ہیں۔