دن میں دھوپ کے بعد شام کو پھر تیز ہوائیں اور ہلکی بوندا باندی

سرینگر//
وادی میں ایک بار پھر شام کو مطلع ابر آلود ہونے کے ساتھ ہی تیز ہوائیں چلنے لگیں جبکہ سرینگر سمیت کچھ ایک مقامات پر بوندا باندی بھی ہو ئی ۔
ادھر محکمہ موسمیات کے ایک ترجمان کے مطابق وادی میں۷جون تک موسم مجموعی طور پر خشک رہنے کا امکان ہے ۔شبانہ درجہ حرارت مسلسل معمول سے کم درج ہو رہا ہے ۔
ان کا کہنا تھا کہ بعد ازاں وادی میں۸سے۱۲ جون تک موسم خشک رہنے کا ہی امکان ہے تاہم اس دوران بھی کہیں کہیں گرج چمک کے ساتھ بوندا باندی ہونے کا امکان ہے ۔
ترجمان نے بتایا کہ وادی کے درجہ حرارت میں بتدریج اضافہ درج ہوگا اور گرمی بھی ہر گذرتے دن کے ساتھ بھی بڑھ جائے گی۔
ترجمان نے کہا کہ گرمائی دارلحکومت سرینگر میں کم سے کم درجہ حرارت۲ء۱۱ڈگری سینٹی گریڈ ریکارڈ کیا گیا جو معمول سے ۲ء۲ڈگری سینٹی گریڈ کم ریکارڈ ہوا تھا۔
سیاحتی مقام گلمرگ میں کم سے کم درجہ حرارت۰ء۵ڈگری سینٹی گریڈ ریکارڈ کیا گیا جو معمول سے۵ء۱ڈگری سینٹی گریڈ کم ریکارڈ ہوا تھا۔
ایک اورسیاحتی مقام پہلگام میں کم سے کم درجہ حرارت۹ء۵ڈگری سینٹی گریڈ ریکارڈ کیا گیا جو معمول سے ۱ء۱ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت۲ء۹ ڈگری سینٹی گریڈ ریکارڈ کیا گیا جو معمول سے۵ء۲ڈگری سینٹی گریڈ کم ریکارڈ ہوا تھا۔
قصبہ قاضی گنڈ میں کم سے کم درجہ حرارت۲ء۹ڈگری سینٹی گریڈ ریکارڈ کیا گیا جو معمول سے ۸ء۲ڈگری سینٹی گریڈ کم ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت۰ء۵ڈگری سینٹی گریڈ جبکہ ضلع کرگل میں کم سے کم درجہ حرارت۶ء۹ڈگری سینٹی گریڈ ریکارڈ ہوا ہے ۔