ساتوک-چراغ نے کیریئر کی بہترین رینک حاصل کی

کوالالمپور//
ساتوک سائراج رینکیریڈی اور چراغ شیٹی کی ہندوستانی مرد ڈبلز جوڑی نے منگل کو عالمی درجہ بندی میں کیریئر کی بہترین چوتھی پوزیشن حاصل کرلی۔
عالمی بیڈمنٹن ایسوسی ایشن کی تازہ ترین درجہ بندی کے مطابق، ساتوک-چراغ 74,651 پوائنٹس کے ساتھ چوتھی پوزیشن پر پہنچ گئے ہیں، جو ان کی سابقہ ​​بہترین (پانچویں پوزیشن) سے ایک مقام زیادہ ہے۔
ساتوک-چراغ نے اپریل میں بیڈمنٹن ایشیا چیمپئن شپ میں سونے کا تمغہ جیت کر اپنی درجہ بندی کو بہتر کیا ہے۔ گزشتہ ہفتے ملائیشیا ماسٹرز سے محروم رہنے کے بعد، ہندوستانی جوڑی تھائی لینڈ اوپن سپر 500 ٹورنامنٹ کے ذریعے کورٹ میں واپسی کرے گی۔
تھائی لینڈ اوپن پیرس اولمپک 2024 کی کوالیفکیشن کی مدت میں ان کا پہلا ٹورنامنٹ ہوگا۔
دریں اثنا، ملیشیا ماسٹرز کے طور اپنے کیریئر کا پہلا ورلڈ ٹور خطاب جیتنے والے ہندوستانی شٹلر ایچ ایس پرنائے ایک مقام کی بہتری کے ساتھ اپنی کیریئر کی بہترین آٹھویں رینک پر پہنچ گئے۔ پرنائے مردوں کے سنگلز میں ہندوستان کے سب سے زیادہ رینکنگ والے شٹلر ہیں۔ ان کے بعد کدامبی سری کانت ہیں، جنہوں نے اسی ایونٹ میں سیمی فائنل میں جگہ بناکر رینکنگ میں 17 واں مقام حاصل کیاتھا۔ ٹاپ 30 میں تیسرے ہندوستانی شٹلر لکشیا سین (23 واں مقام) ہیں۔