فروخت کا غلبہ، سینسیکس نفٹی میں سوا فیصدکی گراوٹ

ممبئی// روس اور یوکرین کے درمیان جاری جنگ کے فوری طور پر ختم ہونے کی کوئی امید نہ ہونے اور اس کی وجہ سے عالمی معیشت اور اشیاء خوردونوش کے متاثر ہونے کا خدشہ ہے، گھریلو شیئر بازاروں میں فروخت کا سلسلہ لگاتار پانچویں دن سینسیکس میں فروخت کا باعث بنی اور نفٹی میں سوا فیصد کی گراوٹ درج کی گئی بی ایس ای کا 30 شیئروں والا حساس انڈیکس سینسیکس 703.59 پوائنٹ ٹوٹ کر 57 ہزار پوائنٹ کے نفسیاتی سطح سے نیچے 56463.15 پوائنٹ پر اور نیشنل اسٹاک ایکسچینج (این ایس ای) کا نفٹی 215 پوائنٹ پھسل کر 16958.65 پوائنٹ پر رہا۔بڑی کمپنیوں کی طرح ہی چھوٹی اور درمیانی کمپنیوں میں بھی فروخت ہوئی جس سے بی ایس ای کا مڈکیپ 1.20 فیصد اترکر 24450.86 پوائنٹ پر اور اسمال کیپ 1.21 فیصد گرکر 28869.58 پوائنٹ پر رہا۔
بی ایس ای میں شامل گروپوں میں، سوائے انرجی کے 1.20 فیصد اور آئل اینڈ گیس میں 0.25 فیصد، باقی تمام گروپوں میں گراوٹ درج کی گئی۔ اس میں ایف ایم سی جی میں سب سے زیادہ 2.57 فیصد کی کمی ہوئی۔ بی ایس ای پر کل 3536 کمپنیوں کا کاروبار ہوا، جن میں سے 2179 میں کمی جبکہ 1234 میں اضافہ ہوا۔ 123 میں کوئی تبدیلی نہیں ہے۔
عالمی سطح پر، زیادہ تر اہم انڈیکس سرخ رنگ میں رہے سوائے جاپان کے نکیئی میں 0.69 فیصد اضافہ ہوا۔ برطانیہ کا ایف ٹی ایس ای 0.51 فیصد، جرمنی کا ڈی اے ایکس 1.11 فیصد، ہانگ کانگ کا ہینگ سینگ 2.28 فیصد اور چین کا شنگھائی کمپوزٹ 0.05 فیصد نیچے رہا۔