وادی میں ۴؍اور جموں میں ایک کورونا وائرس کا مثبت کیس درج‘ کوئی موت نہیں

جموں//
جموں کشمیر میں پچھلے چوبیس گھنٹوں کے دوران کورونا وائرس کے۵نئے مثبت معاملات سامنے آئے ہیںجن میں سے۴کا کشمیر اور ایک کا تعلق جموں صوبے سے ہے۔
اِس طرح مثبت معاملات کی کل تعداد۴لاکھ۵۳ہزار۹۴۶تک پہنچ گئی ہے‘جن میں سے۶۷(صوبہ جموں میں۷؍اور کشمیر صوبے میں۶۰)سر گرم معاملات ہیں۔اَب تک۴لاکھ۴۹ہزار۱۲۸؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں۳؍ اور ضلع کپواڑہ میںایک نیا معاملہ درج ہوا ہے۔بارہمولہ، بڈگام ‘اسلام آباد‘کولگام ، پلوامہ ،گاندربل، شوپیان اوربانڈی پورہ اضلاع سے مثبت معاملات کی کوئی رِپورٹ نہیں ہے۔
اِسی طرح ضلع جموں میںایک نیا معاملہ سامنے آیا ہے ۔اودھمپور ، راجوری ، ڈوڈہ ،کٹھوعہ ،سانبہ، کشتواڑ ،پونچھ ،رام بن اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔
بیان کے مطابق گزشتہ ۲۴ گھنٹوں میں جموں وکشمیر میں کوروناوائرس سے کوئی تازہ موت درج نہیںہوئی۔اب تک کورونا سے مرنے والوں کی مجموعی تعداد۴۷۵تک پہنچ گئی ،جن میں سے۲۴۲۳کا کشمیر اور۲۳۲۸کاتعلق جموں صوبہ سے ہے۔
اِسی دوران آج مزید۱۳؍اَفراد شفایاب ہوئے ہیںجن کا تعلق صوبہ کشمیر سے ہے۔