نئی بجلی کنلشنوں کیلئے پری پیڈ بنیادوں پر رجسٹریشن لازمی

سرینگر//
صارفین کو با اختیار بنانے کیلئے کشمیر پاور ڈسٹریبیوشن کارپویشن لمیٹیڈ (کے پی ڈی سی ایل) نئے کنکشن کیلئے درخواست دینے والے تمام ممکنہ صارفین کو پری پیڈ بنیادوں پر رجسٹر کرے گا۔
کارپوریشن کے ایک ترجمان نے بتایا کہ پاور سیکٹر میں بہتر اصلاحات کئے جانے کے سلسلے میں کئے گئے اس اہم قدم سے نئے کنکشن کیلئے درخواست دینے والے صارفین کو بل کی ادائیگی کیلئے پری پیڈ والے سمارٹ میٹرس فراہم کئے جائیں گے ۔
ترجمان نے کہا کہ صارفین کے پی ڈی سی کی ویب سائٹ پر آن لائن ایپلائی کرسکتے ہیں۔
بیان میں کہا گیا کہ صارف کو سمارٹ میٹر کو متحرک کرنے کیلئے منظور شدہ لوڈ کے مطابق سیکورٹی اور پہلا پری پیڈ ریچارج جمع کرنا ہوگا۔
بیان کے مطابق لیفٹیننٹ گورنر منوج سنہا نے پہلے ہی۲۷فروری کو سمارٹ میٹر بل سہولیت ایپ لانچ کی ہے تاکہ شفافیت کے ایک نئے دور کا آغاز کیا جاسکے ۔
ترجمان نے اپنے بیان میں کہا کہ صارفین اضافی طور آن لائن ادائیگی گیٹ وے کے کسی بھی طریقے کا انتخاب کرسکتے ہیں وہ ’ایم پے‘کرکے یا جموں وکشمیر بینک کے کسی برانچ کے ذریعے ریچارج کرسکتے ہیں جس طرح پوسٹ پیڈ بل کے لئے کیا جاتا ہے ۔
کے پی ڈی سی ایل کے ترجمان نے کہا کہ کے پی ڈی سی ایل کے ذریعے نئے سمارٹ میٹروں کو فراہم اور نصب کیا جائے گا۔ان کا کہنا تھا کہ اس تازہ پیش رفت سے کشمیر کے پاور سیکٹر میں مزید شفافیت لائی جائے گی۔