’سعودی عرب میں عید الفطر ۲۱؍اپریل کو منائی جائیگی ‘

سرینگر//
متحدہ عرب امارات سے تعلق رکھنے والے ماہر فلکیات نے تصدیق کی ہے کہ عیدالفطرکاپہلادن۲۱؍اپریل کوہوگا۔ یہ رمضان کے مقدس مہینے کے اختتام اوراسلامی مہینے شوال کے آغاز کی علامت ہے۔
متحدہ عرب امارات کی فلکیات سوسائٹی کے بورڈ آف ڈائریکٹرزکے چیئرمین ابراہیم الجروان نے کہا ہے کہ رمضان المبارک کا پوراچاندجمعرات ۲۰؍ اپریل ۲۰۲۳کو مقامی وقت کے مطابق صبح ۸بج کر۳۶منٹ پر ہوگاجبکہ شوال کا چاند جمعرات ۲۰؍اپریل کو صبح ۸بج کر۱۳منٹ پر پیدا ہوگا اوریہ غروب آفتاب کے ۲۲منٹ بعد غروب ہوگا۔
اگر سعودی حکومت تاریخوں کی تصدیق کرتی ہے تومتحدہ عرب امارات کے شہریوں اور رہائشیوں کوجمعہ ۲۱ اپریل سے پیر ۲۴؍ اپریل تک عید کی چار چھٹیاں ہوں گی۔
دنیا بھر کے مسلمانوں ماہ صیام کے اختتام کے بعد یکم شوال کوعیدالفطر مذہبی جوش وجذبے سے مناتے اور بھرپورخوشیوں کا اظہار کرتے ہیں۔ وہ طلوع آفتاب سے غروب آفتاب تک کے رمضان میں روزے رکھتے ہیں اورعید رمضان کے اختتام کی علامت ہے۔