فضائیہ نے جموں کشمیر اور لداخ کے درماندہ مسافروں کو منزلوں پر پہنچایا

جموں//
کل۴۳۸ پھنسے ہوئے مسافروں کو ہندوستانی فضائیہ (آئی اے ایف) نے جمعرات کو جموں کشمیر اور لداخ کے جڑواں مرکز کے زیر انتظام علاقوں کے درمیان ہوائی جہاز سے پہنچایا۔
ایک عہدیدار نے کہا کہ۴۳۴ کلومیٹر طویل سرینگر،لیہہ قومی شاہراہ بند ہونے کی وجہ سے پھنسے ہوئے مسافروں کو زیادہ تر جموں سے کرگل اور سری نگر سے لیہہ کے لیے ہوائی جہاز سے لے جایا گیا تھا۔
اہلکار نے بتایا کہ ۲۶۰ مسافروں کو آئی اے ایف کے ہوائی جہاز میں سرینگر سے لیہہ کے لیے ایئرلفٹ کیا گیا۔
اسی طرح۱۶۵ مسافروں کوچار طیاروں میں جموں سے کرگل کے لیے ائیر لفٹ کیا گیا، جب کہ ۱۳ مسافروں کو کرگل سے جموں پہنچایا گیا۔
۔۔۔۔۔۔۔۔۔۔