لیفٹیننٹ گورنر کی ہولی کی مبارکباد

جموں//
لیفٹیننٹ گورنر‘ منوج سنہا اور چیف سیکریٹری ‘ڈاکٹر ارون کمار مہتا نے ہولی کے پرمسرت موقع پر لوگوں کو مبارکباد دی ہے۔
ایک پیغام میں، لیفٹیننٹ گورنر نے کہا کہ رنگوں کا تہوار اتحاد اور ہم آہنگی کے جذبے کی علامت ہے۔
لیفٹیننٹ گورنر نے کہا’’ہولی ہمیں وجود کی عظمت اور اس کے تمام مختلف رنگوں میں خوشی منانے کی ترغیب دیتی ہے۔ خوشی اور رنگ سب کی زندگیوں کو چھوئے، بھائی چارے کے بندھن کو مضبوط کرے اور سب کیلئے امن، خوشحالی اور خوشی کا آغاز کرے۔‘‘
دریں اثنا چیف سکریٹری ڈاکٹر ارون کمار مہتا نے آج یو ٹی کے لوگوں کو ہولی کے تہوار کے موقع پر مبارکباد دی۔
ڈاکٹر مہتا نے اپنے پیغام میں امید ظاہر کی کہ یہ تہوار سماج میں فرقہ وارانہ ہم آہنگی اور خیر سگالی کو فروغ دے گا۔
چیف سیکریٹری نے کہا’’اس سال رنگوں کا تہوار سماجی بندھن کو مضبوط کرے اور ہم سب کیلئے ایک روشن مستقبل کی نئی امید کا آغاز کرے‘‘۔
مہتا نے لوگوں کو نیک تمناؤں اور مبارکبادیں بھی پیش کیں، اور کہا ’’ہولی سے جڑے مختلف افسانوں کا جشن لوگوں کو سچائی کی طاقت کا یقین دلاتا ہے، کیونکہ تہوار کا اخلاق برائی پر اچھائی کی حتمی فتح ہے۔‘‘