حج سرگرمیاں تیز‘امسال کرایہ میں۸۰ ہزار روپے کم کئے گئے:حکام

سرینگر/۲۷فروی
جموںکشمیر میں حج۲۰۲۳کیلئے سرگرمیاں تیز ہو گئی ہیں اور خواہشمند عازمین کی جانب سے فارم بھرنے کا سلسلہ شروع ہو چکا ہے۔
حج کمیٹی کے عہدیدار نے بتایا کہ امسال کرایہ میں تقریباً ۸۰ہزار روپے کم کئے گئے ہیں۔انہوں نے کہاکہ امسال وی آئی پی کوٹا بھی ختم کیا گیا۔
اطلاعات کے مطابق جموں وکشمیر میں حج ۲۰۲۳کی سرگرمیاں تیز ہو گئی ہیں۔معلوم ہوا ہے کہ امسال سرکار نے حج کو آسان او رسستا بنانے کا دعویٰ کیا ہے۔
ذرائع نے بتایا کہ خواہشمند عازمین کو سہولت فراہم کرنے کی خاطر ریجنل پاسپورٹ آفیسر نے خصوصی مہم شروع کی ہے۔عازمین حج کو مختلف سہولیتیں فراہم کی جارہی ہیں۔
حج کمیٹی کے ایک عہدیدار نے بتایا کہ امسال حج کرایہ میں تقریباً ۸۰ہزار روپے کم کئے گئے جبکہ عازمین کے لئے آن لائن فارم کی سہولیت بھی دستیاب رکھی گئی ہیں۔اْن کے مطابق پہلے عازمین کو حج فارم کے حصول کی خاطر تین سو روپیہ ادا کرنے پڑ تے تھے لیکن رواں برس آن لائن فارم دستیاب رکھے گئے ہیں۔
عہدیدار نے مزید بتایا کہ امسال وی آئی پی کوٹے کو بھی ختم کیا گیا اور یہ کہ امسال سفر حج گزشتہ برسوں کے مقابلے میں آسان ہے۔