لیفٹیننٹ گورنر کا غازی پورہ میں راج کمار ترپاٹھی کے مجسمے کی نقاب کشائی

غازی پورہ//
لیفٹیننٹ گورنر ‘منوج سِنہا نے آج غازی پورہ میں شری راج کمار ترپاٹھی کے مجسمے کی نقاب کشائی کی۔
لیفٹیننٹ گورنر نے کہا کہ کوآپریٹیومومنٹ کے علمبردار راج کمار جی نے کسانوں کی بہبود کیلئے بے مثال خدمات اَنجام دیں۔اُنہوں نے کہا کہ ان کی زندگی اور نظریات عظیم ترغیب ہے ۔
کمار نے شری راج کمار ترپاٹھی کی زندگی کے غیر معمولی سفر اورسماجی و اِقتصادی ترقی میں ان کی بے مثال خدمات کو یاد کیا۔
لیفٹیننٹ گورنر نے کہا کہ کوآپریٹیو اِداروں میں مختلف عہدوں پر فائز رہتے ہوئے راج کمار جی نے ملک میں پھیلے چھوٹے شہروں اور دیہاتوں میں سہکار کی صلاحیت کو محسوس کیا۔
سنہا نے مزید کہا کہ راج کمار جی نے سماج کو تبدیل کرنے کیلئے کوآپریٹیو کو ایک طاقتور ٹول کے طور پر اِستعمال کیا او رکسانوں کو سبز اِنقلاب کے فوائد حاصل کرنے میں مدد کی۔
لیفٹیننٹ گورنر نے کہا کہ ہم وزیر اعظم نریندرمودی جی اور مرکزی وزیر داخلہ امت شاہ جی کے شکر گزار ہیں کہ اُنہوں نے کوآپریٹیو مومنٹ کو نچلی سطح تک پہنچایا۔
سنہا نے مزید کہا کہ کریڈٹ سہولیات اور دیگر خدمات فراہم کرنے کے علاوہ کوآپریٹیو آج ضروری فاروارڈ اور بیک وارڈ لنکیجز بھی فراہم کر رہے ہیں اور سیلف ہیلپ گروپوں کو مضبوط کر تے ہیں۔
لیفٹیننٹ گورنر نے جموںکشمیر یوٹی میں کوآپریٹیو سیکٹر کی ترقی کیلئے ایک مضبوط ماحولیاتی نظام کی تعمیر کی کوششوں پر بھی روشنی ڈالی۔
ایل جی نے کہا کہ جموںکشمیر میں مختصر وقت کے اندر کوآپریٹیو مومنٹ کو تقویت ملی ہے او ردیہی کوآپریٹیو بینکوں کے احیاء اور پی اے سی ایس کو کمپیوٹرائز کیا جارہا ہے۔
لیفٹیننٹ گورنر نے اِس بات کا اعادہ کیا کہ جموںوکشمیر یوٹی حکومت زراعت اور دیہی معیشت سے وابستہ ہر شراکت دار کی خواہشات کو پورا کرنے کیلئے کوآپریٹیو مومنٹ کی مساوی اور جامع ترقی اور مضبوطی کو یقینی بنانے کے لئے پُر عزم ہے۔
اِس موقعہ پرمارکیٹنگ ڈائریکٹر آئی ایف ایف سی او یوگیندر کمار،ڈائریکٹر آئی ایف ایف سی او وِجے شنکر رائے اور زندگی کے تمام شعبوں سے تعلق رکھنے والے معزز شہری موجود تھے۔