جموں میں پنتھرس پارٹی کے دفتر کو سربمہر کر دیا گیا

جموں//
جموںکشمیر کی سرمائی راجدھانی جموں کے گاندھی نگر علاقے میں واقع پنتھرس پارٹی کے دفتر کو انتظامیہ نے سیل کیا ۔
معلوم ہوا ہے کہ پیر کی صبح ایسٹیٹس ڈپارٹمنٹ کے آفیسران گاندھی نگر جموں پہنچے اور وہاں پنتھرس پارٹی کے دفتر کو سربمہر کیا ۔
ابھی تک یہ معلوم نہیں ہو سکا کہ پنتھرس پارٹی کے دفتر کیوں سیل کیا گیا ۔
بتادیں کہ گزشتہ روز ہی ہرش دیو سنگھ نے عام آدمی پارٹی کو خیر باد کہہ کر پنتھرس پارٹی کو پھر سے فعال کرنے کا فیصلہ کیا تھا ۔
واضح رہے کہ پینتھرز پارٹی کی بنیاد پروفیسر بھیم سنگھ نے رکھی تھی اور ان کا انتقال گذشتہ برس ہوا تھا۔ آپسی لڑائی کی وجہ سے ہرش دیو سنگھ، بلونت سنگھ منکوٹیا اور کئی دوسرے لیڈروں نے پچھلے سال پارٹی چھوڑ دی تھی۔
پروفیسر بھیم سنگھ کا طویل علالت کے بعد انتقال ہو گیا۔ اس کے بعد پارٹی میں کوئی بڑا چہرہ نہیں بچا تھا۔ ہرش دیو سنگھ کی واپسی کے ساتھ ہی پینتھرس پارٹی دوبارہ سیاست کی پٹری پر واپسی کی تیاری کر رہی تھی۔
دریں اثنا، محکمہ اسٹیٹ کی جانب سے یہ کارروائی کی گئی ہے۔ بتایا جاتا ہے کہ پروفیسر بھیم سنگھ نے انتقال سے قبل اسٹیٹ ڈپارٹمنٹ کو خط لکھا تھا کہ سرکاری رہائش گاہ واپس لی جائے، تاہم پنتھرز پارٹی کے دوسرے گروپ نے اسٹیٹ ڈپارٹمنٹ کو یہ رہائش گاہ جو بطور دفتر استعمال کی جاتی ہے خالی کرکے نہیں دیا گیا، جس کے بعد آج محکمہ نے اس دفتر کو سیل کر دیا۔