سرینگر//
سرینگر جموں قومی شاہراہ پر نجی گاڑی سے آگ نمودار ہوئی تاہم مسافر معجزاتی طورپر بچ نکلنے میں کامیاب ہوئے ۔
اطلاعات کے مطابق پیر کی صبح سری نگر جموں شاہراہ پر خونی نالہ کے نزدیک ایک گاڑی سے اچانک آگ نمودار ہوئی جس نے آناً فاناً گاڑی کو پوری طرح سے اپنی لپیٹ میں لے لیا۔
عین شاہدین نے بتایا کہ گاڑی میں سوار مسافر اور ڈرائیور معجزاتی طورپر بچ نکلنے میں کامیاب ہوئے ۔
معلوم ہوا ہے کہ پانی کی عدم دستیابی کے باعث گاڑی پوری طرح سے آگ کی اس واردات میں خاکستر ہوئی۔
پولیس نے اس ضمن میں کیس درج کرکے مزید تحقیقات شروع کی ۔