’عدالت عظمیٰ نے حد بندی کمیشن کی رپورٹ پر مہر لگائی‘

جموں///
جموں کشمیر بھارتیہ جنتاپارٹی(بی جے پی) یونٹ کے صدر رویندر رینا نے عدالت عظمیٰ کے فیصلے کا خیر مقدم کرتے ہوئے کہاکہ اب سپریم کورٹ نے بھی حد بندی کمیشن کی رپورٹ پر مہر لگائی ہے۔
رینا نے کہاکہ محبوبہ مفتی کو سپریم کورٹ کے فیصلے کا احترام کرنا چاہئے۔
ان باتوں کا اظہار بی جے پی لیڈر نے جموں میں نامہ نگاروں سے بات چیت کے دوران کیا۔
سپریم کورٹ کے فیصلے پر رویندر رینا نے کہاکہ اب عدالت عظمیٰ نے بھی حد بندی کمیشن کی رپورٹ پر مہر لگائی ہے۔انہوں نے کہاکہ سبھی سیاسی تنظیموں کو سپریم کورٹ کے فیصلے کا احترام کرنا چاہئے۔
محبوبہ کی جانب سے سپریم کورٹ کے فیصلے پر سوالات اْٹھانے کے بارے میں بی جے پی صدر نے کہاکہ عدالت عظمیٰ کا فیصلہ سبھی کو تسلیم کرنا چاہئے۔اْن کے مطابق محبوبہ مفتی کو یاد رکھنا چاہئے کہ عدالتوں پر سوالات نہیں اْٹھائے جاتے۔
رینا نے کہاکہ کچھ لوگوں کا کام ہے کہ دھمکیاں دینا لیکن ملی ٹینٹوں کی دھمکیوں کا حکومت کے فیصلوں پر کوئی اثر نہیں پڑے گا۔
بی جے پی کے لیڈر کے مطابق ریاسی میں ’لی تھیمئم کی دریافت ہندوستان کو ایک بار پھر سونے کی چڑیا بنا دے گی۔
رینا نے کہاکہ ریاسی میں معدنیات کی دریارفت سے جموں وکشمیر کی تقدیر بدلنے والی ہے۔انہوںنے مزید کہاکہ بھارتیہ جنتاپارٹی جموں وکشمیر میں مضبوط ہے اور آنے والے چناو میں بھاجپا کی جیت یقینی ہے۔