نئی دہلی//کانگریس جنرل سکریٹری پرینکا گاندھی واڈرا نے کہا ہے کہ حکومت کی ذمہ داری عوام کے حقوق کو کچلنا نہیں ہے ، بلکہ ان کی باتوں کو سننا ہے ۔
محترمہ واڈرا نے کہا کہ حکومت لداخ سے لے کر جموں و کشمیر تک لوگوں کے حقوق کو دبا رہی ہے اورجو لوگاپنے حقوق کی بات کرتے ہیں، انہیں مظالم کا نشانہ بنایا جارہا ہے ۔
انہوں نے ٹویٹ کیا، "لداخ میں اپنے آئینی حقوق کی بحالی کا مطالبہ کر نے والے لوگوں کوتشدد کا نشانہ بنایا جا رہا ہے ، کشمیر میں عام لوگوں کی شنوائی کئے بغیر ان کے گھروں پربلڈوزر چلایاجارہا ہے ۔”
ان کا مزید کہنا تھا کہ حکومت کو امن اور عوام کا اعتماد جیتنے کے لیے ان کی بات سننی چاہیے ۔ انہوں نے کہا کہ ملک عوام سے بنا ہے ، امن اور اعتماد کے لیے لوگوں کی بات سننا ضروری ہے ، نہ کہ ان کے حقوق کو بلڈوزر تلے کچلنا۔