کشمیر واقعی میں جنت کا ایک ٹکڑا ہے :ٹھاکر

سرینگر//
مرکزی وزیر کھیل انوراگ ٹھاکر نے جمعرات کے روز کہاکہ کشمیر واقعی میں جنت کا ایک ٹکڑا ہے ۔
ٹھاکر نے کہاکہ آج سے شہرہ آفاق گلمرگ میں کھیلو انڈیا کا اہتمام ہو رہا ہے جس میں ملک بھر سے آئے ہوئے۱۵سو کھلاڑی شرکت کر رہے ہیں
یو این آئی اردو نامہ نگار نے بتایا کہ جمعرات کے روز مرکزی وزیر کھیل انوراگ ٹھاکر ٹنگمرگ پہنچے اور وہاں پر برف و باراں میں کرکٹ کھیلا۔
نامہ نگاروں سے بات چیت کے دوران مرکزی وزیر انوراگ ٹھاکر نے کہاکہ آج سے سیاحتی مقام گلمرگ میں کھیلو انڈیا گیمز کا اہتمام ہو رہا ہے ۔انہوں نے بتایا کہ چھ روز تک چلنے والے اس کھیلو انڈیا گیمز میں۱۵سو کھلاڑی شرکت کر رہے ہیں اور وہ گیارہ گیمز میں حصہ لیں گے ۔انہوں نے مزید بتایا کہ کھیلو انڈیا گیمز کا انتظار سال بھر رہتا ہے ۔
مرکزی وزیر نے بتایا کہ کشمیر جنت کا ایک ٹکڑا ہے اور یہاں برف باری میں قدرتی نظارو سے لطف اندوز ہونا واقعی میں ایک انوکھا تجربہ ہے ۔انہوں نے بتایا کہ ملک بھر سے ۱۵سو کھلاڑی گلمرگ پہنچ گئے ہیں اور اس حوالے سے انتظامیہ نے بھی پوری تیاری کی ہوئی ہے ۔