انسداد تجاوزات مہم:ہرناگ اننت ناگ میں نوٹسوں کی اجرائی کیخلاف ہڑتال

سرینگر/۳فروری
جنوبی ضلع اننت ناگ کے ہرناگ علاقے میں انتظامیہ کی جانب سے دکانداروں کو نوٹسیں اجرا کرنے کے خلاف ہڑتال رہی۔
دکانداروں نے بتایا کہ وہ پچھلے پچیس برسوں سے یہاں پر اپنا کام کر رہے ہیں ۔
اطلاعات کے مطابق جمعے کے روز ہرناگ علاقے میں واقع متعدد دکانداروں کو متعلقہ محکمہ کی جانب سے نوٹسیں موصول ہوئیں ۔معلوم ہوا ہے کہ نوٹسیں اجرا کرنے کے خلاف علاقے میں ہڑتال سے معمولات زندگی ٹھپ ہو کررہ گئے۔
دکانداروں نے نامہ نگاروں سے بات چیت کے دوران بتایا کہ وہ یہاں پر پچھلے پچیس برسوں سے کام کر رہے ہیں۔انہوں نے کہاکہ انتظامیہ کی جانب سے اُنہیں نوٹسیں اجرا کرنا حیران کن ہے ۔
دکانداروں نے ضلع ترقیاتی کمشنر اننت ناگ سے فوری مداخلت کی اپیل کی ۔
بتادیں کہ انسداد تجاوزات مہم کے تحت جموں کشمیر میں سرکاری اراضی پر غیر قانونی طورپر قبضہ کرنے والوں کے خلاف مہم جاری ہے ۔
محکمہ مال نے جموں وکشمیر میں ہزاروں کنال سرکاری اراضی کو باز یا ب کیا جبکہ جہاں پر غیر قانونی طورپر ڈھانچے تعمیر کئے گئے تھے اُنہیں مسمار کرنے کی کارروائیاں بھی لگاتار جاری ہیں۔