سانبہ: بین الاقوامی سرحدنصف درجن علاقوں کا محاصرہ

جموں//
سیکورٹی فورسز نے سانبہ میں بین الاقوامی سرحد کے قریب نصف درجن علاقوں کو محاصرے میں لے کر بڑے پیمانے پر تلاشی آپریشن شروع کیا۔
ذرائع نے بتایا کہ سدھرا تصادم میں مارے گئے چار ملی ٹینٹ ممکنہ طور پر سانبہ میں بین الاقوامی سرحد کو پار کرکے اس طرف آئے ہوئے تھے ۔
معلوم ہوا ہے کہ سیکورٹی فورسز کو خدشہ ہے کہ سانبہ میں زیر زمین ٹنل کے ذریعے ملی ٹینٹ اس طرف آنے میں کامیاب ہو ئے ہونگے ۔
یو این آئی اردو کے نامہ نگار نے بتایا کہ پولیس ، بی ایس ایف اور آرمی نے ہفتے کے روز سانبہ میں بین الاقوامی سرحد کے نزدیک نصف درجن علاقوں کو محاصرے میں لے کر تلاشی آپریشن شروع کیا۔
ذرائع نے بتایا کہ سیکورٹی فورسز نے جنگلی علاقوں کو بھی محاصرے میں لے کر لوگوں کے چلنے پھرنے پر پابندی عائد کی ۔
معلوم ہوا ہے کہ سیکورٹی فورسز نے سانبہ کے چیک دھرما، منگو چیک ، سید چیک ، رگل اور چھاول علاقوں کو محاصرے میں لے کر تلاشی آپریشن شروع کیا جس دوران تکنیکی اور ہیومن انٹیلی جنس کو بروئے کار لایا جارہا ہے ۔
ذرائع نے بتایا کہ سدھرا جموں میں سیکورٹی فورسز کے ساتھ تصادم میں چار ملی ٹینٹوں کی ہلاکت کے بعد سیکورٹی ایجنسیوں کو ابتدائی تحقیقات کے دوران معلوم ہوا ہے کہ جاں بحق ملی ٹینٹ سانبہ میں بین الاقوامی سرحد کے ذریعے اس طرف آنے میں کامیاب ہوئے تھے ۔
ذرائع کے مطابق سیکورٹی فورسز کو خدشہ ہے کہ سانبہ میں بین الاقوامی سرحد کے نزدیک زیر زمین ٹنل کے ذریعے ملی ٹینٹ اس طرف آنے ہیں ۔
معلوم ہوا ہے کہ سیکورٹی ایجنسیوں نے سانبہ کے سرحدی علاقوں میں رہائش پذیر لوگوں پر زور دیا ہے کہ مشکوک افراد کی نقل وحرکت کے بارے میں فوری طورپر پولیس کو آگاہ کریں۔
دریں اثنا ڈی ایس پی آپریشنز ‘جی آر بھردواج نے نامہ نگاروں سے بات چیت کے دوران بتایا کہ سانبہ میں بین الاقوامی سرحد کے نزدیک کئی علاقوں کو محاصرے میں لے لیا گیا ہے ۔
بھردواج نے بتایا کہ سدھرا تصادم میں مارے گئے ملی ٹینٹ ممکنہ طور پر بین الاقوامی سرحد کے ذریعے ہی اس طرف آنے میں کامیاب ہوئے ہیں۔
ڈی ایس پی آپریشنز کے مطابق ایسا ممکن ہے کہ سانبہ میں سرحد ی علاقے کے نزدیک زیر زمین ٹنل بنائی گئی ہے جس کے ذریعے ملی ٹینٹ اس طرف آئے ہونگے ۔انہوں نے بتایا کہ زیر زمین ٹنل کی تلاش کی خاطر جدید ٹیکنالوجی کو بھی بروئے کار لایا جا رہا ہے ۔
بھردواج نے کہاکہ امکانی دراندازی کے پیش نظر بین الاقوامی سرحد پر ہائی الرٹ جاری کیا گیا تاکہ ملی ٹینٹوں کے عزائم کو ناکام بنایا جاسکے ۔
معلوم ہوا ہے کہ سرحدوں پر تعینات افواج کو چوبیس گھنٹے متحرک رہنے کے احکامات صادر کئے گئے ۔
ذرائع کے مطابق پاکستان کے ساتھ لگنے والی سرحدوں پر فوج کو مستعد رہنے کے احکامات جاری کئے گئے ہیں۔
دفاعی ذرائع نے بتایا کہ سانبہ میں بین الاقوامی سرحد پر بارڈر سیکورٹی فورسز کے اہلکار چوبیس گھنٹے اپنی خد مات خوش اسلوبی کے ساتھ انجام دے رہے ہیں۔انہوں نے کہا’’ دراندازی کی کوششوں کے خلاف زیرو ٹالرنس کی پالیسی جاری رہے گی۔‘‘