نئی دہلی/کولکتہ// وزیر اعظم نریندر مودی نے جمعہ کو ہوڑہ سے نیو جلپائی گوڑی کے درمیان چلنے والی وندے بھارت ایکسپریس ٹرین کو ہری جھنڈی دکھائی۔
مسٹر مودی کو ذاتی طور پر اس تقریب میں شرکت کرنا تھی لیکن اپنی والدہ کے انتقال کی وجہ سے انہوں نے ویڈیو کانفرنسنگ کے ذریعے اس میں شرکت کی۔ مغربی بنگال کی وزیر اعلیٰ ممتا بنرجی نے ریاست کو پہلی وندے بھارت ایکسپریس ٹرین دینے پر وزیر اعظم کا شکریہ ادا کیا۔ وزیر اعلیٰ نے مسٹر مودی کی والدہ کے انتقال پر جذباتی طور پر تعزیت کا اظہار کیا اور کہا کہ وہ پرارتھنا کرتی ہیں کہ وزیر اعظم اپنے کاموں کے ذریعہ اپنی ماں سے محبت کرتے رہیں۔
اس پروگرام میں ریلوے کے وزیر اشونی ویشنو، بنگال کے گورنر سی وی آنند بوس اور دیگر معززین موجود تھے ۔
مسٹر مودی نے اس موقع پر ریاست میں کچھ اور ریل پروجیکٹوں اور کولکتہ میٹرو لائن کے ایک توسیعی حصے کا افتتاح اور سنگ بنیاد بھی رکھا۔
محترمہ بنرجی نے کہا کہ ان میں سے کچھ پراجیکٹس ان کا خواب رہے ہیں اور انہوں نے ریلوے کے وزیر کے طور پر اپنی دو میعاد کے دور میں انہیں تجویز کیا تھا۔
