۲۰۲۲ میں میںسکمز کے ریجنل کینسر انسٹی ٹیوٹ میں کینسر کے ۵ہزار کیس درج

سرینگر//
شیر کشمیر انسٹی ٹیوٹ آف میڈیکل سائنسز صورہ(سکمز) کے ریجنل کینسر انسٹی ٹیوٹ کی جانب سے سالانہ رپورٹ جاری کی گئی ہے جس کے مطابق امسال وادی میں کینسر کے ۵ہزار سے زائد کیس درج کئے گئے ۔
جاری کردہ سالانہ رپوٹ ۲۰۲۲ میں شعبہ ریڈیو آنکولوجی کے اعداد و شمار پیش کیے گئے ہیں۔اعداد و شمار کے مطابق ۱۲۴۰ ریڈنیٹ آنکولوجی میں او پی ڈی خدمات کے ذریعے علاج ومعالجہ کرارہے ہیں۔
رپورٹ کے مطابق ایک سال کے دوران۲۰۷۳؍ افراد کو ریڈیو تھرپی دی گئی ہے جبکہ ۲۰۷۳ مریضوں کو ایکسٹرنل بیم تھرپی کے ذریعے علاج کیا گیا۔
ایکسٹرنل بیم تھرپی میں۱۷۱۷مریضوں کو ٹو ڈائمینشینل ریڈیو تھرپی ‘۳۲ کو تھری ڈائمینشینل ریڈیو تھرپی اس کے علاوہ شعبہ میں۱۱۳ مریضوں کو الیکٹرون تھرپی‘۱۱ بیماروں کو برانچی تھرپی دی گئی ہے۔
رپورٹ کے مطابق ۸۵۰ مریضوں کو کیمو تھرپی دی گئی جبکہ باری باری ۳۵۹۷ کینسر کے مریضوں کو کیمو تھرپی دی گئی ہے۔
شعبہ ریڈنینٹ آنکولوجی میں ایک وقت ۳۰ بیماروں کے داخلے کی سہولیات دستیاب ہیں جبکہ ۷؍ انتہائی نگہداشت والے بستر بھی موجود ہیں۔
شعبہ میں ہر روز ۱۵۰ مریضوں کو مختلف اقسام کی تھرپی دی جاتی ہے۔
واضح رہے جموں وکشمیر میں مجموعی طور پر۳۹ہزار۴۱ کینسر مریض رجسٹرڈ کیے گئے ہیں جن میں سال۲۰۱۹ میں۱۲ہزار۶۷۵‘سال ۲۰۲۰ میں۱۳ہزار۱۲؍اور سال۲۰۲۱ میں۱۳ہزار۳۵۴ مریض کینسر سے متاثر ہوئے ہیں۔
ادھر حال ہی میں سالانہ سپر اسپیشلیٹی ہسپتال اور ایس ایم ایچ ایس ہسپتال سرینگر نے بھی اپنے ایک سالانہ اعداد و شمار ظاہر کیے ہیں، جس کے مطابق ایس ایس ہسپتال میں روزانہ کی بنیاد پر تقریباً ۲۷ چھوٹی بڑی سرجریز انجام دے جارہی ہیں،جن میں ۱۳ بڑی اور۱۴ چھوٹی سرجریز شامل ہیں۔
وہیں ہسپتال میں روزانہ کے او پی ڈی میں ۶ سو مریضوں کا معائنہ کیا جاتا ہے۔اس کے علاوہ ہسپتال میں روزانہ کی بنیاد پر۱۱ کارڈیک انٹروینشنز‘۸۱جی ای اور ۱۲ رینل انٹروینشن پروسیجرز کئے جاتے ہیں۔
وہیں ایس ایم ایچ ایس ہسپتال سرینگر میں گزشتہ ماہ نومبر میں او پی ڈی میں ۷۹ ہزار ۸۷۰ مریضوں کا علاج کیا گیا ہے جس کے مطابق ہسپتال میں روزانہ کی او پی ڈی میں ۳ہزار مریض علاج و معالجہ کی غرض سے آتے ہیں۔
اس کے علاوہ نومبر میں ہسپتال میں تقریباً ۲ہزار مختلف قسم کی سرجریز انجام دی گئیں ہیں۔