رہائشی مکان زمین بوس جواں سال نوجوان از جان‘ساتھی زخمی

جموں//
جموںکشمیر کے راجوری ضلع کے گڈیوگ گاؤں میں رہائشی مکان گرنے سے دو افراد شدید طورپر زخمی ہوئے جن میں سے بعد میں ایک ہسپتال میں زخموں کی تاب نہ لا کر چل بسا۔
سرکاری ذرائع نے بتایا کہ ہفتے کے روز راجوری کے گڈیوگ گاوں میں رہائشی مکان کی مرمت کے دوران مکان کا ایک حصہ اچانک گر آیا جس وجہ سے دو افراد ملبے کے نیچے زندہ دفن ہوئے ۔
ذرائع نے بتایا کہ آس پاس موجود لوگوں نے زخمیوں کو علاج ومعالجہ کی خاطر نزدیکی ہسپتال منتقل کیا تاہم وہاں پر تعینات ڈاکٹروں نے۳۲سالہ نوجوان کو مردہ قرار دیا جبکہ زخمی نوجوان کی بھی حالت تشویشناک بنی ہوئی ہے ۔
متوفی کی شناخت ۳۲سالہ محمد ریاض ولد عبدالرشید کے بطور ہوئی جبکہ زخمی کی پہچان رکیم کے بطور کی گئی۔
پولیس نے معاملے کی نسبت کیس درج کرکے مزید تحقیقات شروع کی ۔